it's me... danger carely

بسم الله الرحمن الرحيم

أخيرن وليس آخرا كونت مدونتي موضوع التدوين ماكان يشغل بالي كتير لاكن كل شي سار بسرعه واكتشفت اني احتاج لمكان كبير اكتب فيه تعليقي يعني نص مواضيعي للاسف حتكون تعليق على شي وقليل المواضيع اللي تتكلم عن شي معين

حأبدا ببطاقتي الشخصيه

الإسم arrows-danger carely

العمر  17 سنه

المدينة      جدة

الدراسه  خريجة 3ث

التخصص   علمي

هواياتي وابداعاتي  

ماي لاب     - السباحه  -  الرسم قرافيتي وطبيعي  - القراءه  - كتابة الشعر- أساور خيوط -القياده أقصد في الشخصيه مو في السياره-الإلقاء-..... وكل شي ازا كان متاح في الحياه دي انا رح اعملو يعني مافي شي محدد

نظرتي للحياه

احب التفائل والايمان بالقدر والاعتماد على نفسي وعشان كدا صداقاتي قليل 
واسعى دايما اني اكون غير عن اللي حوليا بالطريقه الايجابيه مو السلبيه
احب اتفرج على السما لانها تخليني اروق -احب اتفرج على البحر عشنو كبير بس مو وقت طويل لان حركتو الكتير توترني -احب اخرج ولو اي مكان لاني مو شخصيه بيتوتيه -احب السفر  -احب الطبيعا جدن جدن- احب البسس مرررا لاكن للاسف ربي رزقني بأم ماتحبها واحب اي حاجه عليها فرو-احب الاستقلاليه وانا بأسعا للشي دا ومرا احب اقعد لوحدي بما اني البنت الوحيدا -احب اغني مع نفسي -احب اني اكون حاجا طيبه عدت على الناس..
المهم نخش في اللي اكرهو
1-اكره اللي عيونهم طويله
2- اكره السلتحه والمنافقين
3-اكره اللي يكرهوني وطبعا احب اللي يحبوني
4-اكره اللي يتفلسفو بدون مايعرفو ايش بيقولو
5-اكره قلة الادب
6- اكره الخياطه
7-اكره طريقتي السريعا في الكلام واللخبطه والكلجات*_*
8-اكره الوزغ والصراصير 
9- اكره اللي يستمرو على مراهقتهم ويزيدو فيها 
ويغتو اللي حولينهم بيها

أمنيتي

اتمنى دايمن اني اتوظف في وظيفا انا احبها واحقق شي على مستوى عالمي او شخصي المهم يكون انجاز
واتمنى دايمن انو ربي راضي عني
=)

في النهايه welcom to my world ^^
واتمنى من كل قلبي انو احد يستفيد او يعجبو ولو حرف من اللي حاكتبو